Westwärts

Heut wieda um 7e auf, dann Richtung cable car, waren scho umara 9 do bis de erste Bahn 20 Minuten später gfahren is, war de Schlange hinter uns scho richtig lang. Des faszinierende is es gibt koa Gemeckere, san vui Ami's und Franzosen bzw Kanadier da, de warten brav. Also des rauf und runter in dem alten krachenden bimmelden Vehikel is scho a Erlebnis, auf da Streck an Getriebeschaden, mitten auf da Kreuzung werd des Teil vom scho bereitstehenden Service ausgwechselt, ois steht still und koana hupt oda schreit. Ankunft mitten auf da shoppingmall, direkt vorm abercrombie&fitch. Waren dann 2 Std in dem Center einfach rumgschaut und freilich an Imbiss, Werners highlight. Mit Sebi an echt genialen Eisbecher gessen von na Schokoladenfirma die's nur hier gibt. Waren dann bei Hollister und für Sebi 2 sweater kauft sonst nix. De Strass entglang no rumgschaut dann no auf de historisch Tram gwart und und de ganzen Piers entlang gfahren, kurze Pause für de gschundenen Fiaß im Hotel. Als nachstes, Bootsrundfahrt unter der golden gate durch und um Alcatraz rum mit Kommentar, war interessant und schee. Obdn fish and chips auf'd Hand am Hafen bei livemusik vom Strassenmusiker und auf de Riesenmöven aufpassen daß se sich net selbst bedienen. No an Rundgang und Abschied von Frisco. Morgen übern highway 1 Richtung L.A. mit no 1 Zwischenübernachtung. Sebi und i sitzen in da Lobby von unserm Luxushotel sheraton, wo sogar des Internet extra kost außer ma sitzt da so wia mia grad hier da kosts nix. Wachts guad auf und mia gehen sicher bald ins Bett.

Heute also dick ozogn auf und a hop on off Bustour gebucht, bei Nieselregen und kalt obn draussen gsessen Richtung golden gate. Trotz Nebel und Sturm is sie scho beeindruckend, dann Richtung Naturkundemuseum, war ok, weiter Richtung hippie Viertel, wollt i unbedingt schaun. Da ohne Frühstück, wia gsagt mia können koane Eier mehr sehn, am Zimmer an Kaffee, Kaffemaschin in jedem Zimmer und a Banane, glei nei in ersten Foodstore. War a Biomarkt mit warmem Essen und einem Sortiment da kannt da basic vor Neid erblassen. Des Viertel besteht aus fast lauter alte nach dem Brand also umara Anfang 1900 entstandende typische Holzhäuser, jeds anders bunt,edel,schrill. Menschen jeda Art,geniale Läden, dazwischen junge zuagekiffte dene eana Lebn scho glaffs is, belästigt werd ma net. Wieda nei in Bus und durch downtown und Chinatown raus. Von da a guade Std durch de Strassen bis zum Hotel rauf und runter glaffa. Moni i bin ma scho vorkumma wia in Rom, nur da wo mia glaffa san war koa Bus. Jetz scheint kurz d'Sonn und mia macha a Pause am Zimmer, Fiass hochlegen😊

Hallo Ihr Lieben,
Gestern also Richtung San Francisco, erst durch ausgedörrtes Farmland mit wenigen etwas mageren Rindern, dann neben dem freeway durch die Vorstädt von Frisco. Echt erschreckend, hier gibt es so gut wie keine Mittelschicht, da leben Penner auf Autobahnraststätten und werden im wahrsten Sinne des Wortes von Durchreisenden gefüttert. Also über die Bay Bridge hinein und direkt an den piers entlang und unser Sheraton Hotel fast direkt an fishermans wharf. Parken ist hier so teuer wia woanders a Übernachtung. Pro Nacht 60 Dollar. San am Hafen rumglaffa, Massen wia aus da Wiesn. Temperatursturz um mehr als 20 Grad zu Yosemity, heut no kälter windig Regenwolken, huift nix jetz san ma da und los gehts.